PHATLALATSO EA LITABA

 THABA-TSEKA: Ka la 23 Loetse 2014, ka pele ho ’Maseterata Rantara le Mochochisi Letuka ho hlahile moqosuoa Lereng Tšoeunyane monna oa Mosotho ea lilemo li 27 oa ha morena Mojela Theko Ha-Setolotolo a qosoa ka bosholu ba liphoofolo. O ile a fumanoa a le molato joaloka ha a qositsoe ’me a ahloloa lilemo tse robeli chankaneng kapa ho itefella likete tse leshome tsa Maloti eo a ileng a hloloa ho e lefa.   Thaba-Tseka CR: 95/2014.

THABA-TSEKA: Ka la 23 Loetse 2014, ka pele ho ’Maseterata Rantsoabe le Mochochisi Motsamai ho hlahile baqosuoa Mzozene Setubatube monna oa Mosotho ea lilemo li 19 le Pitso Neo monna oa Mosotho ea lilemo li 32 ba ha morena Mojela Theko, Ha-Tomose ba qosoa ka bosholu ba liphoofolo. Ba ile ba fumanoa ba le molato joaloka ha ba qositsoe ’me ba ahloloa lilemo tse supileng chankaneng kapa ho itefella likete tse leshome tsa Maloti le lilemo tse peli chankaneng kapa ho itefella likete tse robeli ka tatellano eo ba ileng ba hloloa ho e lefa.

Thaba-Tseka CR: 260 & 288/2014.